Karpal tunel sindromuna daha çox evdar qadınlarda rast gəlinir. Müalicə edilmədikdə…

Karpal tunel sindromuna daha çox evdar qadınlarda rast gəlinir. Müalicə edilmədikdə…

31.01.2022 21:20

Ortopedlər biləkdəki sinirlərin sıxılması nəticəsində yaranan Karpal tunel sindromu haqqında xəbərdarlıq ediblər.

Aztibb.az xəbər verir ki, bu sindromun əllərini çox istifadə edən insanlarda, ağır işlərdə çalışanlarda və zəhmətkeş ev xanımlarında rast gəlindiyini bildirən ortoped mütəxəssisləri xəstəliyin erkən müdaxilə edilmədikdə qalıcı zərər verə biləcəyini vurğulayıblar.

Sindromun əlamətləri və müalicə üsulları haqqında məlumat verən mütəxəssislər, müalicədə xəstəliyin şiddətinə görə fərqli üsulların tətbiq edildiyini bildirirlər.

Karpal tunel sindromu biləkdə median sinir dediyimiz sinirin sıxılması nəticəsində yaranır.

Median sinir əlin bilək-daxili hissəsində yerləşir ki, bu da karpal tunel kimi tanınır. Bu sinir əlimizdə sıxıldığı zaman birinci, ikinci və üçüncü barmaqlarda şiddətli keyimə əmələ gəlir.

Bu xəstəlikdə əlin hərəkəti pozulmur. Bununla belə, xəstələr ilk üç barmağında və üzük barmağının kənarında keyimə və narahatlıq hiss edirlər.

Artıq çəkidən əziyyət çəkənlər, şəkər xəstələri, əllərini çox istifadə edənlər, ağır işlər görənlər və zəhmətkeş evdar qadınlarda daha çox rast gəlinir.

Sıxılmanın şiddətinə görə müalicənin tətbiq edilməsi lazım olduğunu bildirən ortoped mütəxəssislər bu xəstəliyin əlamətlərinin adətən yüngül şəkildə başladığını və müalicə edilmədikdə irəlilədiyini bildirirlər.

Karpal tunel sindromunun ən çox görülən əlaməti xüsusilə gecə saatlarında əllərdə keyimə və yüngül ağrıdır.

Karpal tunel sindromunda gündəlik həyat fəaliyyəti çətinləşir və ya yuxu rejiminə mane olacaq hallar baş vermədən həkimə müraciət edilməlidir.

Karpal tunel sindromu erkən müalicə olunmazsa, əllərdə qalıcı sinir və əzələ zədələnməsinə və ya yüngül əzələ zəifləməsinə səbəb ola bilər.