Dünyada yeni növ koronavirusa (COVID-19) yoluxanların sayı son sutka ərzində 2,4 milyon nəfərdən çox olub.
“worldometers.info” saytının apardığı statistikada bildirilib ki, ötən sutka ərzində 2 milyon 407 min 902 nəfər yeni koronavirusa yoluxub, 6 min 627 nəfər isə pandemiyanın qurbanı olub. Bununla da yoluxanların ümumi sayı 355 milyon 430 min 756, ölənlər isə 5 milyon 622 min 870 nəfərə çatıb.
Ötən sutka ərzində virusa ən çox yoluxma halı (465 min 154 nəfər) və bu xəstəlikdən ölüm faktı (1193 nəfər) ABŞ-da qeydə alınıb.
Dünyada bu vaxtadək ən çox yoluxma halı ABŞ (72,9 milyon), Hindistan (39,7 milyon), Braziliya (24,1 milyon), Fransa (16,8 milyon), Böyük Britaniya (15,9 milyon), Rusiya (11,1 milyon) və Türkiyədə (11 milyon) qeydə alınıb.
