Britaniyalı epidemioloq, professor Tim Spektor peyvənd olunmuş xəstələrdə koronavirusun omikron ştamının özünü necə büruzə verdiyini izah edib.
Aztibb.az xarici KİV-lərə istinadən xəbər verir ki, mütəxəssis koronavirusa qarşı peyvənd olunanlarda omikronun beş simptomunu açıqlayıb. O, bildirib ki, virus mutasiyası soyuqdəyməyə bənzər simptomlara səbəb olur. Bunlara burun axması, asqırma, yorğunluq, baş ağrısı və boğaz ağrısı daxildir.
Alim qeyd edib ki, omikron ştamına yoluxan xəstələrin yalnız yarısında qızdırma, öskürək və qoxu olmaması kimi xəstəliyin ümumi simptomları müşahidə olunub.
"Omikron, xüsusilə peyvənd olunmuş insanlarda daha çox soyuqdəymə kimi simptomlara və daha az ümumi sistem simptomlarına səbəb olur", - deyə Spektor vurğulayıb.
