Son sutka ərzində Hindistan və Pakistanda yeni növ koronavirus (COVID-19) infeksiyasından ölənlərin sayı açıqlanıb.
Aztibb.az pandemiyanın statistikasını aparan "Worldometer" saytına istinadla xəbər verir ki, son sutka ərzində koronavirus infeksiyasının yeni episentrinə çevrilən Hindistanda 90 min 600 nəfər COVID-19 xəstəliyinə yoluxub. Bu, həm də ölkədə koronavirusa rekord sutkalıq yoluxma halıdır. Həmçinin ötən sutka ərzində Hindistanda 1044 nəfər COVID-19 xəstəliyi səbəbindən dünyasını dəyişib.
Hindistan həm COVID-19 infeksiyasına yoluxanların, həm də ölənlərin sayına görə ABŞ və Braziliyadan sonra üçüncü yerdə qərarlaşıb.
Son 24 saatda Pakistanda isə COVID-19 infeksiyasına 513 nəfər yoluxub, daha 5 nəfər bu xəstəlikdən ölüb. Ölkədə koronavirus xəstələrinin sayı 298 min 25 nəfərə çatıb.
Ümumilikdə, pandemiya yayılandan bəri Pakistanda 6 min 349 nəfər infeksiya səbəbindən dünyasını dəyişib.
