ABŞ-da türk alim Burak Baharın rəhbərliyi ilə aparılan araşdırmada bəzi uşaqların qanında eyni zamanda həm yeni növ koronavirus (COVID-19), həm də infeksiya ilə mübarizə aparan anticisimlərin olduğu müəyyən edilib.

Aztibb.az medimagazin.com.tr-yə istinadən xəbər verir ki, "Journal of Pediatrics"də dərc olunan araşdırma çərçivəsində COVID-19 testi pozitiv çıxan 6 min 300 və anticisim analizi edilən 215 uşağın nəticələri nəzərdən keçirilib.

215 uşaqdan 33-ünə xəstəlik zamanı COVID-19 və anticisim testiləri edilib. Tədqiqat zamanı 33 uşağın 9-unun qanında həm virus, həm də anticisimlər aşkar edilib.

Araşdırmada 6-15 yaş arası xəstələrin 16-22 yaş arası xəstələrə nisbətən virusdan təxminən iki dəfə gec sağaldıqları müşahidə edilib. COVID-19 testinin gənc xəstələrdə təxminən 32 gündən sonra mənfi nəticələr verdiyi və bu müddətin yaşlı xəstələrdə təxminən 18 gün olduğu bildirilib.

Kiçik yaş qrupunda olan qızlar üçün bu rəqəmin 44 gün, eyni yaş qrupundakı oğlanlar üçün 25,5 gün olduğu da qeyd edilib.