ABŞ-ın Xəstəliklərə Nəzarət və Profilaktika Mərkəzi ştatların administrasiyalarını koronavirusa qarşı vaksinin mövcudluğu barədə məlumatlandırıb və oktyabr ayının sonuna qədər vaksinin mümkün yayılmasına hazır olmağa çağırıb.

Aztibb.az xəbər verir ki, Mərkəzin müraciətində vaksinin ilkin təchizatının məhdudlaşdırıla biləcəyi qeyd olunur. Sənəddə, həmçinin deyilir ki, ştatlar ilkin vaksinin əldə edilməsində insanların müəyyən qruplarına, o cümlədən tibb və əsas işçilərinə, rezidentlərə və uzunmüddətli qulluq müəssisələrinin heyətlərinə, eləcə də milli təhlükəsizlik sektorundakı qurumların nümayəndələrinə üstünlük verməli olacaqlar.

Mərkəzin müraciəti Milli Allergiya və Yoluxucu Xəstəliklər İnstitutunun direktoru Entoni Fauçinin bu sözləri dediyindən bir gün sonra yayılıb: “Cari klinik sınaqların əhəmiyyətli dərəcədə pozitiv nəticələr verəcəyi təqdirdə vaksin gözlənildiyindən daha tez əldə edilə bilər”.

Qeyd edək ki, bugünədək ABŞ-da 6,09 milyon yoluxma və 185100 ölüm halı qeydə alınıb.