Mütəxəssis: “Digər ştamlara yoluxduqdan sonra yaranan anticisimlər "omikron"dan qoruya bilməz”
05.12.2021 10:00

“Koronavirusun Delta ştamı ilə yoluxduqdan sonra yaranan anticisimlər "omikron" infeksiyasından qoruya bilməz və yaxud əksinə”.

 

Aztibb.az Rusiya mətbuatına istinadla xəbər verir ki, bunu Molekulyar-genetik tədqiqatlar elmi mərkəzinin təsisçisi və baş direktoru Andrey İsayev deyib.

 

Mütəxəssisin sözlərinə görə, çox sayda mutasiya o deməkdir ki, bu ştamın virusunun virionu struktur olaraq koronavirusun digər ştamlarının virionlarından fərqlənir: “Onların müxtəlif zülalları var. Buna görə də əvvəlki ştamlara yoluxan və ya peyvənd olunmuş şəxslərə görə hazırlanan anticisimlər "omikron"u bloklaya bilməz. Yəni, "omikron" və digər ştamlar arasında çarpaz immunitet yaranmayacaq. Müvafiq olaraq, "omikron"a yoluxduqdan sonra yaranacaq anticisimlər Deltaya qarşı müdafiə sistemi qura bilməyəcək və yaxud da əksinə”.

 

A.İsayev əlavə edib ki, "omikron" mutasiyalarının çoxluğuna görə onun gələcəkdə necə olacağını proqnozlaşdırmaq çətindir, çünki bu fenomen tamamilə yenidir.