Bir qrup çinli alim SARS-CoV-2 koronavirusunun bütün ştamlarını neytrallaşdırmağa qadir olan 35B5 monoklonal anticisiminin kəşfi ilə bağlı məlumat verib.

Aztibb.az-ın "RİA Novosti"yə istinadən xəbər verir ki, anticisim “omikron” ştamına qarşı da effektivdir.

Anticisim koronavirusu ağır keçirən insanların qan nümunələrinin genişmiqyaslı tədqiqi zamanı aşkar edilib.

Alimlər müəyyən ediblər ki, 35B5 anticisimi koronavirusun mutasiyalar zamanı demək olar ki, dəyişməyən S-zülalına yapışır. Onun strukturu COVID-19-un bütün variantlarına eyni dərəcədə təsir göstərməyə imkan verir.