Braziliyada koronavirus infeksiyasına yoluxanların sayı 4 milyon nəfəri ötüb.

Aztibb.az pandemiyanın statistikasını aparan "Worldometer" saytına istinadla xəbər verir ki, sentyabrın 2-də ölkədə koronavirus infeksiyasına yoluxanların sayı 48 min 632 nəfər artaraq 4 milyon 1422 nəfərə, ölənlərin sayı isə 1218 nəfər artaraq 123 min 899 nəfərə çatıb. Hazırda müalicəsi davam edən 667 min 118 xəstədən 8 min 318 nəfərin vəziyyəti ağır qiymətləndirilir. Eyni zamanda, ölkədə 3 milyon 210 min 405 nəfərin COVID-19 xəstəliyindən sağaldığı bildirilir.

Braziliya həm COVID-19 xəstəliyinə yoluxanların, həm də ölənlərin sayına görə ABŞ-dan sonra 2-ci yeri tutur.