İsrailin Ariel Universitetinin alimləri koronavirusun iki saniyə ərzində məhv etməyin yolunu tapıblar.

Aztibb.az prime.ru-ya istinadən xəbər verir ki, araşdırmanın nəticələri Environmental Chemistry Letters jurnalında dərc olunub.

Mütəxəssislər uzunluğu bir millimetrdən on millimetrə qədər olan radiodalğaların infeksiyaya təsirini tədqiq edib və radiasiyanın virusu iki saniyəyə öldürə biləcəyini müəyyən ediblər.

Bu tip radiasiyanın təxminən üç millimetr dalğa uzunluğu var. Millimetr dalğaları tibbdə, xüsusən də xərçəng hüceyrələri ilə mübarizədə geniş istifadə olunur.

Alimlər qeyd ediblər ki, belə dalğalar temperaturu yüksəltməyə qadirdir, bu da onlara virus hissəciklərini öldürməyə imkan verir.

Tədqiqatçılar yeni texnologiyanı poliovirus üzərində sınaqdan keçirib və koronavirusla eyni effektivliyə nail olublar.