Dekabrın 1-dən etibarən İsveçdə qapalı məkanlarda keçirilən kütləvi tədbirlərdə koronavirus pasportu tələb ediləcək.

Aztibb.az www.thelocal.se-yə istinadən  xəbər verir ki, hökumət bu addımı Avropada yoluxmalar kəskin artdığı üçün atıb.

Eyni zamanda, vaksin olunmuş şəxslərin test edilməsini dayandırmaqla bağlı hökumət qərarına da yenidən baxılacaq. Səhiyyə Nazirliyi bildirib ki, ölkədə yoluxma səviyyəsi narahatverici həddə deyil. Lakin ölkə dünyadan təcrid olunmadığı üçün ehtiyat tədbirləri zəruridir.

Qeyd edək ki, İsveçdə karantinlə bağlı bütün məhdudiyyətlər sentyabrda ləğv edilib. Lakin vaksinasiya səviyyəsi çox yüksək olduğu üçün ölkə yoluxma göstəricisində ən aşağı yerlərdən birini tutur.