Əl reabilitasiyasının məqsədi yaralanma və ya zədələrdən (barmaq, əl, qol qopması kimi), eləcə də əməliyyatlardan sonra xəstənin itirdiyi funksiyalarını təkrar geri qazandırmaqdır.

Aztibb.az əl bərpa reabilitasiya kursunun əhəmiyyəti haqqında yazını təqdim edir.

Əməliyyatların müvəffəqiyyətlə nəticələnməsi üçün əməliyyat sonrası əl müalicəsinin və bərpa reabilitasiya kursunun davam etməsi zəruridir.

Əl terapiyası tətbiq olunmazsa əməliyyat istənilən nəticəni verməz və xəstə əməliyyat olunan üzvünü istifadə edə bilməz. Əməliyyat hazırlıqları zamanı əl terapist- cərrahın tətbiq etdiyi proqrama uyğun şəkildə xəstə əməliyyata hazırlanır.

Əməliyyatdan sonra, əldə mövcud əzələlərin gücləndirilməsi işləri proqram şəkilində əl terapist-doktoru tərəfindən tətbiq olunur.

Əməliyyatdan sonra yaranın vəziyyəti (çapıq toxuma) hüceyrələrin şişi və funksiya çatışmazlıqları baxımından qiymətləndirilərək müalicə proqramına alınır. Bərpanın sürətinə bağlı olaraq müalicələrə ardıcıl davam edilir. Cərrahla ünsiyyətdə olmaq, bərpa müddətində duyğu analizləri aparmaq çox əhəmiyyətlidir.

Əməliyyata ehtiyac duyulmayan vəziyyətlərdə, misal üçün, musiqiçilərin peşə xəstəliyi sayılan Overuse sindromu kimi hallarda də əl reabilitasiyası tətbiq olunmaqdadır.

Eyni zamanda, ev xanımlarından və oturaq işdə çalışanlardan Karpal tunel sindromu kimi, barmaqlarda yaranan tətik barmaq (triger finger), yenə barmaqlarda yaranan swaneck (qu boynu) deformasiyası, butonier (düymə iliyi) kimi eybəcərliklər atel tətbiq edilməklə və reabilitasiya proqramı uyğulamaqla yanaşı, əl terapiyası ilə bərpa edilir.

Spastisitenin azaldılması və əlin funksiyasının geri qazanılması məqsədilə müxtəlif proqramlar tətbiq edilir. Gündəlik həyatda tətbiqi zəruzu olan xüsusi məşq proqramları ilə spastisiteyi azaldaraq gündəlik həyatda daha çox istifadə edilməsi təmin edilir.