Britaniya hökumətinin elmi məsləhətçisi həkim Mayk Tildesley bildirib ki, COVID-19 hər il qrip kimi dövr edəcək. Bu o deməkdir ki, insanın immunitetini peyvəndlərlə daim möhkəmləndirmək lazım olacaq.

 

Aztibb.az medikforum.ru-ya istinadla xəbər verir ki, onun sözlərinə görə, həssas qrupa aid olan vətəndaşlar koronavirusa qarşı revaksinasiyaya hər qış ehtiyac duyacaq.

 

Həkim iddia edir ki, bu virus qrip kimi onilliklər boyunca dövr edəcəyindən koronavirusa qarşı illik vaksinləmə qripə qarşı peyvəndlərdə olduğu kimi, bir çox insanın həyatını xilas edəcək. 

 

Daha əvvəl Böyük Britaniya höküməti ölkədə illik peyvəndləmə kampaniyalarının keçiriləcəyini açıqlayıb. Digər ekspertlər güman edirlər ki, davamlı olaraq buster dozaya ehtiyac duyulmayacaq, çünki bir gün koronavirus sadəcə yox olacaq.