Aztibb.az xəbər verir ki, koronavirusa yoluxub sağalmış pasiyent Suğra Bayramova Mərkəzi Gömrük Hospitalında COVID-19 xəstələrinə göstərilən xidmətlər barədə təəssüratlarını bölüşərkən belə deyib.

 

O, bildirib ki, şöbədə yatdığı ilk günlərdə vəziyyəti ağır olduğuna görə, heç bir şeyi xatırlamır: "Çarəsiz qaldığım bir vaxtda siz həkimlər məni ölümün pəncəsindən alıb həyata qaytarmısınız. Avqustun 22-də hospitaldan evə yazıldığım gün elə bildim ki, dünyaya ikinci dəfə gəlmişəm".

 

O, bildirib ki, Hospitalın tibb personalı gecə-gündüz çalışaraq düzgün müalicə aparıblar. Pasiyent Hospitalın baş həkimi Elman Məmmədova, eləcə də bütün həkimlərə təşəkkürünü bildirib. Onların sayəsində artıq ayaq üstə olduğunu, normal iş rejiminə qayıtdığını söyləyib.

"Təşəkkürümü çatdırmağa söz tapa bilmirəm. Məni yenidən həyata və ailəmə qaytardığınız üçün hər birinizə minnətdaram. Hamınıza möhkəm cansağlığı, çətin və məsuliyyətli işinizdə uğurlar arzulayıram", - deyə o, həkimlərə minnətdarlığını ifadə edib.