Malayziya, İtaliya, ABŞ və Çində ayrı-ayrılıqda aparılan araşdırmaları və məqalələri tədqiq edən urologiya üzrə mütəxəssis, professor Abdullah Gerik bildirib ki, COVID-19-a yoluxmuş kişilərdə sperma sayında azalmanın müşahidə olunduğu və sonsuzluq yaşandığı müəyyən edilib.

Aztibb.az medimagazin.com.tr-yə istinadən xəbər verir ki, A.Gerik aparılan patoloji tədqiqatlar zamanı koronavirusdan ölən 12 nəfərdə deformasiyaların müəyyənləşdirildiyini deyib.

"Tədqiqatlarda sperma daşıyan kanallarda palçıqlanma, tıxanmalar olduğu, hüceyrələrdə şişkinlik və hüceyrə pozuntusu adlandırılan sitoplazma kütləsində azalma olduğu qeyd edilib. Bunların hamısı sonsuzluğa təsir göstərən amillərdir", - deyə mütəxəssis qeyd edib.