Bərdə doğum evində ana ölümü qeydə alınıb.

Aztibb.az xəbər verir ki, hadisə bu gün səhər saatlarında qeydə alınıb. Belə ki, ağır vəziyyətdə Bərdə Mərkəzi Rayon Xəstəxanasının Doğum evi şöbəsinə gətirilən Bərdə rayon Dalğalar kənd sakini 1990-cı il təvəllüdlü Hüseynova Naibə Mürvət qızı vəfat edib.

Bildirilir ki, N.Hüseynovanın ölüm səbəbi tromboemboliya olub.

Gənc qadın dünən axşam saatlarında kəskin qanaxma ilə xəstəxanaya gətirilib. Erkən hamiləlik dövründə olan qadının dərman qəbul edərək hamiləliyi ləğv etmək istədiyi, bundan sonra qanaxma yarandığı məlum olub.

Əməliyyat zamanı onun vəziyyəti kəskin pisləşib və həkimlərin səyinə baxmayaraq N.Hüseynovanı xilas etmək mümkün olmayıb.