Təyinatı üzrə qəbul etmədikdə zəhərli təsiri olur - TƏDQİQAT
16.10.2021 22:38
Alimləri tərəfindən müxtəlif vaxtlarda aparılan tədqiqatlar nəticəsində müəyyən edilib ki, həbləri əzərək və ya kapsulları açaraq içmək zərərlidir.
 
Aztibb.az xəbər verir ki, həkim məsləhəti olmadan dərmanları təyinatı üzrə qəbul etmədikdə təhlükəlidir. Çünki, bəzi dərmanlar əzildikdə hava ilə reaksiyaya girərək, zəhərə çevrilir və buna görə də kapsulların içini açıb, suya qataraq, içmək tövsiyə edilmir.
 
Dərmanlar qəbul etməzdən əvvəl əzildikdə zəhərə çevrilməsə belə mədəyə zərər verir və az effektli olur.
 
Bundan əlavə, dərman qəbulu zamanı qida ilə dərman maddələrinin qarşılıqlı təsiri də nəzərə alınmalıdır. Ona görə həblər ya yeməkdən əvvəl, ya sonra, yaxud da yemək zamanı qəbul olunur.
 
Çünki mədə turşusu, qida komponentləri və s. dərmanın tərkibindəki maddələrlə  qarşılıqlı kimyəvi əlaqəyə girərək onun farmakoloji xüsusiyyətini dəyişə bilər. Bu da dərman vasitəsinin mexanizminə mənfi təsirini göstərmiş olur.