Haqqınızı cərrah bıçağı altında tələb etməyin!
13.10.2021 10:42
Aztibb.az tibb müəssisəsi və əməkdaşı ilə probleminiz olduqda nə edəcəyinizlə bağlı maarifləndirici məlumatı paylaşır.
 
Haqqınızın pozulduğunu və ya zərər çəkdiyinizi düşündüyünüz zaman, hüquqlarınızı axtarmaq və zərərinizi aradan qaldırmaq üçün bir vasitə axtarmalısınız. Ancaq unutmayın ki, burada məqsədiniz başqasını günahlandırmaq və ya zərər vermək deyil, problemi həll etməkdir.
 
Haqlı olduğunuz zaman sizi haqsız edəcək kobudluq, şiddət, qəzəb və qeyri-etik davranışlardan çəkinin. Bu şəkildə hərəkət etdiyiniz zaman probleminizi daha asan həll edə bilərsiniz və əlaqədar personal və menecerlər tərəfindən həmin səhiyyə müəssisəsində yaşanan problemlərdən xəbərdar olacaq və həll yollarının hazırlanmasına və keyfiyyətinin yüksəlməsinə töhfə verəcəksiniz.
 
Şikayət mövzusu olan hadisəni, vaxtı, yeri və hadisə ilə əlaqəli şəxsi haqqında açıq şəkildə məlumat bildirməlisiniz. Qeyri-müəyyən, mücərrəd və ittihamçı ifadələr yerinə, yaşadığınız problemi aydın və birmənalı şəkildə çatdırmağa üstünlük verin.Sözügedən hadisənin şahidi olanları müəyyənləşdirin.
 
Şikayətinizi yazılı şəkildə verin. Adınızı, soyadınızı, ünvanınızı, telefonunuzu yazmağı unutmayın. Şikayətin tarixini və qeydiyyat nömrəsini əldə edə və bu məlumatlarla nəticəni izləyə bilərsiniz.
 
Əvvəlcə şikayətinizi müəssisədəki şəxsə və ya bölmələrə (xəstə ünsiyyəti bölməsi, xəstə hüquqları bölməsi, xəstəxana müdiriyyəti və ya baş həkim) göndərin.
 
Şikayətinizlə əlaqədar görülən hərəkətlər qənaətbəxş deyilsə, əvvəlki şikayət ərizənizin tarixini və nömrəsini verərək daha yüksək bir quruma müraciət edə bilərsiniz.