Bəzən valideynlər autimzli və digər xəstəlikləri olan uşaqlara peyvənd vurdurmaqdan çəkinirlər. Yaxud peyvəndin gələcəkdə autizm xəstəliyinə yol açacağını düşünürlər. Bu, tamamilə yanlışdır.
Aztibb.az xəbər verir ki, həkim-pediatr Günay Rəsulova bu barədə İctimai televiziyanın səhər verilişlərindən birində danışıb. O, söyləyib ki, peyvənd uşaqları bir çox infeksion xəstəliklərdən qoruyur. Qoruma 100 faiz olmasa da, ən azından ağırlaşmaların qarşısı alınır.
“Artıq Türkiyədə 12 yaşlı uşaqlar peyvənd olunur”, - deyən G.Rəsulova Azərbaycanda uşaqların peyvəndlənməsi ilə bağlı ona çoxsaylı müraciətlərin olduğunu söyləyib. Həkim qeyd edib ki, koronavirus uşaqlarda da ağırlaşmalar və ölümə səbəb ola bilər:
“Valideynlərə övladlarını koronavirus əleyhinə peyvənd etdirməkdən yayınmamağı tövsiyə edirəm”.