Azərbaycan Tibb Universitetinin Tədris Terapevtik Klinikasının şöbə müdiri, radioloq-həkim Aydın Əliyev koronavirusla bağlı mühüm məqamlardan danışarkən belə deyib.

 

Həkim diqqətə çatdırıb ki, koronavirus testi pozitivdirsə, yüngül və orta ağır şikayətlər varsa, hətta O2 saturasiyası 85-ə düşübsə belə, KT-yə getməyə ehtiyac yoxdur. Saturasiyanı qaldırmaq üçün müvafiq ambulator və ya stasionar müalicə üçün müraciət edin:

 

- COVID-19 xəstəsi ilə təmasda olmusuz, lakin test neqativdir və heç bir şikayət yoxdursa, müayinə və müalicə aparmayın.

 

- Test neqativdir, amma şikayət varsa, qanda COVID-19 İgM-i yoxlatdırın, o da mənfidirsə və O2 saturasiyası aşağıdırsa, bu halda diaqnoz qoymaq üçün KT müayinəsi lazım ola bilər.

 

"Son günlər virusa yoluxub, xəstəliyi yüngül keçirən, O2 saturasiyası hətta 97-98 olan şəxslərin boş yerə KT müayinəsinə gedərək ağciyərlərində 20-30% “buzlu şüşə mənzərəsi” var sözünü eşidəndən sonra isterik-panik boğulmaya məruz qaldığını müşahidə etmişəm. Bunlara ehtiyac yoxdur", - deyə həkim əlavə edib.