Herontoloqlar insan həyatının uzunömürlülüyünə təsir edən əsas orqanı müəyyən etmək üçün araşdırma aparıblar. Onlar hesab edir ki, ən həlledici orqan bağırsaqlardır.

Aztibb.az xəbər verir ki, əvvəllər dünya elmində bu orqanın ürək olduğu bildirilirdi. İnsan ömrünün uzunluğunun ürəyin vəziyyətindən asılı olduğuna inanılırdı.

İndi isə qeyd olunur ki, insan həyatı və uzunömürlülüyə genetik meyl də daxil olmaqla bir çox faktorlar təsir etsə də, bu mənada bağırsaqların vəziyyəti daha həlledici rol oynayır.

Bağırsaqlarda zərərli və ya faydalı mikroorqanizmlərin olması fərdin sağlamlığının ümumi vəziyyətini müəyyənləşdirir. Ona görə də bağırsaqlardakı zərərli bakteriyaların ümumi sayı qəbul edilən normadan çox olmamalıdır. Əks halda, mikrofloranın pozulması nəticəsində bu, sağlamlığı təhdid edir.

Bağırsağın düzgün işləməməsi metabolik sindroma səbəb ola bilər və bu problemə indiki vaxtda getdikcə daha çox rast gəlinir. Səbəb faydalı və zərərli mikroorqanizmlər arasında balansın pozulması hesab olunur. Belə pozulmalar isə diabet, hipertoniya, piylənmə və qan laxtalanmasına səbəb ola bilər.

Bağırsaq mikroflorasının balansını qorumaq üçün, axşamlar süd məhsullarının da daxil edildiyi sağlam bir pəhrizə mütləqdir.

Bundan başqa, gündəlik təbii alma sirkəsi qəbul etmək və həkim məsləhəti ilə norma daxilində turş şərab qəbulu da bağırsaqların normal fəaliyyət göstərməsinə müsbət təsir edir.