Samara Elmi-tədqiqat Diyetologiya və Diyetoterapiya İnstitutunun direktoru, tibb elmləri doktoru Mixail Ginzburg post-COVID sindromu zamanı hansı qidaların pəhrizdən çıxarılması lazım olduğunu söyləyib.

Aztibb.az xəbər verir ki, onun sözlərinə görə, bu sindrom orqanizmdə yüksək iltihablı aktivliyin artmasıdır və bununla əlaqədar olaraq iltihaba qarşı pəhriz saxlamaq effektlidir:

"Post-COVID sindrom zamanı qlikemik indeksi yüksək olan şəkər və məhsulları, yəni ələnmiş undan hazırlanmış qidaları, kartof və düyünü, həmçinin palma, günəbaxan, qarğıdalı, soya, marqarin yağlarından, qırmızı ət və ondan hazırlanan sosiska, sardelka kimi ərzaqları qida qəbulundan çıxarmaq lazımdır".

Həkim pəhrizə eyni zamanda yağ turşuları ilə zəngin olan qidaları əlavə etməyi tövsiyə edib. 

"Pəhrizə Omega-3 və yağ turşuları ilə zəngin olan yağlı dəniz balığı, kətan toxumu və zeytun yağıdır ("Omega-9") qidaları əlavə edin. Rasiona daha çox tərəvəz, giləmeyvə, göyərti və çox şirin olmayan meyvələr, qatıqdan hazırlanan içkilər və mürəkkəb karbohidratlardan olan qarabaşaq, yulaf, kəpəkli çörəyi daxil edin", - deyə həkim Ginzburg bildirib.

Həkimlər xəstəlikdən sağaldıqdan sonra insanın orqanizmində bir müddət davam edən baş ağrısı, halsızlıq, yaddaşın zəifləməsi və bir sıra digər xəstəlikləri post-COVID sindromu anlayışına əlavə ediblər.