Ümumdünya Səhiyyə Təşkilatının (ÜST) Azərbaycan nümayəndəlinin təşkilatçılığı ilə “Milli Psixi Sağlamlıq və Psixososial Dəstək" (MHPSS) texniki qrupunun onlayn təqdimat mərasimi keçirilib.

 

Görüşdə millət vəkili, Heydər Əliyev Fondunun Beynəlxalq əlaqələr departamentinin rəhbəri Soltan Məmmədov, ÜST-ün Azərbaycan nümayəndəliyinin rəhbəri Hande Harmancı, Niderland Krallığının Azərbaycandakı səfiri Pauline Eizema, MHPSS üzrə məsləhətçi Murat Can Birand Apaydın, Milli MHPSS TİQ həmsədri-TƏBİB MHPSS koordinatoru Nərmin Osmanlı, Milli MHPSS TİQ həmsədri-SN Psixi Sağlamlıq Mərkəzinin direktoru Fuad İsmayılov, eləcə də İcbari Tibbi Sığorta üzrə Dövlət Agentliyi, Fövqəladə Hallar Nazirliyi, Beynəlxalq Qızıl Xaç Komitəsi, Qızıl Aypara Cəmiyyəti, Beynəlxalq Miqrasiya Təşkilatı, SOS Uşaq Kəndləri, UNICEF və digər beynəlxalq təşkilatların yerli və mərkəzi ofis nümayəndələri iştirak ediblər.

 

Tədbirdə çıxış edən Nərmin Osmanlı COVID-19-la mübarizə tədbirləri, eyni zamanda, Vətən müharibəsi zamanı TƏBİB tərəfindən göstərilmiş psixososial dəstək və kadr potensialının gücləndirilməsi istiqamətində görülmüş işlərdən danışıb.

 

Digər çıxış edənlər MHPSS texniki qrupunun psixi sağlamlıq sahəsində ehtiyacların qarşılanmasına, həmçinin yerli və beynəlxalq əməkdaşlığa əhəmiyyətli töhfələr verəcəyini bildiriblər.