Bir sual, bir cavab – Klaustrofobiya nədir?
17.09.2021 11:46
Klaustrofobiya qapalı yerlərdə olmaqdan qorxma və ya həyəcanlanma deməkdir. Sanki çıxış tapa bilməyəcək hissi və boğulacaq düşüncəsi çox zaman hakim olur. Əgər kinoya getdiyinizdə sıxılma, darıxma hissi sizi bürüyür və ordan tez çıxmaq istəyirsizsə, və ya liftə minəndə lazımsız qorxu sizi bürüyürsə o zaman sizdə klaustrofobiya var deməkdir.
 
 
Baş gicəllənməsi, əsmə, ürək döyüntüsü, nəfəs daralması, ürək bulanması, ölüm qorxusu, bayılma, reallıqdan uzaqlaşma kimi müxtəlif şəkillərdə narahatçılıq yarana bilər.
 
 
Tətqiqatlar göstərir ki klaustrofobiya yaşanan travmadan sonra yaranır. Uzun müddət dar bir yerdə sıxışıb qalma, və ya uşaq ikən fiziki şiddətə məruz qalma səbəb ola bilər.
 
 
Ən çox istifadə edilən psixoterapiya üsulu Koqnitiv Davranışçı Terapiyadır. Düşüncə, emosiya, davranışların dəyişdirilməsinə istiqamətlənmiş bu müalicə üsulu psixoterapiya üsulları arasında ən çox istifadə edilənidir. Eyni zamanda həyəcan, stress vəziyyətlərinin yüngülləşdirilməsi üçün dərmanla müalicə də istifadə edilir.
 
 
 
psixiatr Fuad Bəşirov
 
Aztibb.az