Tədqiqatlar göstərib ki, koronavirusa yoluxmuş uşaqların 10%-i post-COVID sindromundan əziyyət çəkir. 

Aztibb.az medikforum.ru-ya istinadla xəbər verir ki, İsrail Səhiyyə Nazirliyi tərəfindən aparılmış yeni tədqiqata görə, koronavirus keçirmiş hər onuncu uşaq post-COVID sindromla rastlaşa bilər. 

Onlar koronavirusdan sağalmış 3 yaşdan 18 yaşa qədər uşaqlar və yeniyetmələrin 13 183 valideyni arasında sorğu keçiriblər. Valideynlərin 10%-dən çoxu bildirib ki, onların övladları sağalmadan sonra aylar ərzində COVID-19 simptomlarını hiss ediblər.

6 ay sonra bu rəqəm artıq 2%-dən az təşkil edib. Həkimlər daha əvvəl güman edirdilər ki, faizlə nisbətdə post-COVID sindromla qarşılaşan uşaqların sayı kifayət qədər aşağıdır və COVID-19-un simptomları ilə kiçik pasiyentlərin böyük əksəriyyəti rastlaşmır.

Lakin 2021-ci ilin may və iyun ayları arasında aparılmış İsrail tədqiqatı göstərib ki, post-COVID sindromlu uşaqların sayı 11,2% təşkil edir. Əksər hallarda bu xoşagəlməz nasazlığın simptomlarını 12 yaşdan böyük uşaqlar və 18 yaşa qədər olan yeniyetmələr hiss edir. Bu yaş kateqoriyasında və 6 aydan böyük pasiyentlər arasında post-COVID sindromunu hiss etməyə davam edənlərin sayı 4,6% təşkil edir.