Bu ölkədə koronavirusa yoluxanların sayı durmadan artır
28.08.2020 11:12

Liviyada yeni növ koronavirus pandemiyası ilə bağlı vəziyyət nəzarətdən çıxır, yoluxanların sayı durmadan artır. “TASS” agentliyinin məlumatında bildirilir ki, bunu cümə axşamı günü Rabatda BMT-nin Liviya üzrə xüsusi təmsilçisi vəzifəsini icra edən Stefani Uilyams deyib:

 

“Liviya dəhşətli iqtisadi böhranla üzləşib, münaqişələr indi mərkəzi Liviyanı, o cümlədən 130 min dinc sakinin təhlükə altında olduğu Sirt regionunu təhdid edir.

 

Üstəlik, koronavirus pandemiyası ilə bağlı vəziyyət, xüsusilə də ölkənin cənubunda yoluxma sayı durmadan artır”.

 

Rəsmi məlumatlara görə, Liviyada 12 minə yaxın koronavirusa yoluxma halı qeydə alınıb. 200-dən çox xəstə dünyasını dəyişib, 1 150-dən çox insan sağalıb.

ÇOX OXUNANLAR