Vitamin D immun sistemini qaldıraraq insanların daha az xəstələnməsinə və ya virusu daha yüngül keçirməsinə kömək edə bilər.

 

Aztibb.az xəbər verir ki, bu barədə endokrinoloq Fidan Qulu sosial şəbəkədə məlumat paylaşıb.

 

 

Həkim bildirib ki, vitamin D bədənimizdə sümüklərin, dişlərin və əzələlərin sağlam inkişafı üçün əsasdır. Bu vitamin günəş şüası ilə dəri altında yaranan hormondur. Soyuq iqlim şəraitində yaşayan, evdə çox qalan və dərisi tünd rəngli insanlarda vitamin D defisiti riski daha çoxdur.

 

Onun sözlərinə görə, bir sıra araşdırmalar vitamin D-nin aşağı olmasının COVID-19 riskini artırdığını söyləyir, ancaq bəzi tədqiqatlar vitamin D ilə koronavirus arasında heç bir bağlılığın olmadığını göstərir.

 

Fidan Qulu bu mövzuda daha çox araşdırmaların aparılmasına ehtiyac olduğunu bildirib.