Koronavirusun mutasiya etmiş “Mu” ştamının ABŞ-da nə dərəcədə yayıldığını yoxlayırıq. Hazırda bununla bağlı məlumatımız olmadığı üçün heç nə deyə bilmərik. Ancaq “Delta” ştamı ölkədə 99 %-dən çox üstünlük təşkil edir”.

Aztibb.az xəbər verir ki, bunu ABŞ-ın baş infeksionisti, Milli Allergiya və Yoluxucu Xəstəliklər İnstitutunun direktoru Entoni Fauci CBS telekanalına açıqlamasında bildirib.

Onun sözlərinə görə, mütəxəssislər yeni növ koronavirusun "Mu" ştamı haqqında daha çox məlumat əldə etməyə çalışsalar da, ona qarşı anticisimlərin zəif olacağından narahatdırlar.

“Koronavirusun mutasiya etmiş bütün variantlarını ciddiyə alsaq, demək olar ki, hazırda heç bir təhlükə yoxdur”, - deyə E.Fauci vurğulayıb.

Baş infeksionist əlavə edib ki, ölkədə mövcud olan koronavirusa qarşı peyvəndlərin COVID-19-un bütün variantlarına qarşı təsirli olduğuna əmindir.