COVID-19 xəstəxanalarına müvəqqəti ezam olunmuş tibb işçiləri orada gördükləri dərmanları evdə müalicə alan qohum əqrəbaya - yüngül gedişli xəstələrə təyin edirlər. Məsələn, xəstəliyi təzə başlayan COVID-19 xəstəsinə evdə meropenem, vankomicin, tazeracin, metilprednizolon və s. yazıblar.

Aztibb.az xəbər verir ki, bu barədə tanınmış həkim-reanimatoloq Şahin Məmmədov sosial şəbəkədə məlumat verib. 

"Soruşuram bunu sizə kim təyin edib? Deyirlər qohumumuz COVID-19 xəstəxanasında işləyir, orada bunlarla müalicə edirlər.  Bu, koronavirusa yoluxmuş insanda ağırlaşma ehtimalını artırır" - deyə həkim bildirib.