“Pfizer” əczaçılıq şirkəti COVID-19-a qarşı həblərin koronavirusa yoluxmuş xəstələr üzərində sınaqlarına başlayır.

Şirkətdən verilən məlumata görə, bu, dərman vasitəsi sınaqlarının son mərhələsi olacaq.

Testlər 1140 nəfər yetkinlik yaşına çatmış və xəstəxanaya yatırılmasına ehtiyac olmayan koronaviruslu şəxslər üzərində keçiriləcək.

PF-07321332 indeksli həbləri COVID-19-un ilk əlamətləri müşahidə olunan zaman qəbul etmək lazımdır. Dərman koronavirusun çoxalaraq orqanizmdə yayılmasının qarşısını alır.

Əgər yeni dərmanın effektivliyi sübut olunarsa, o zaman Pfizer həblərin geniş istehsalı və istifadəsi üçün FDA-dan icazə istəyəcək. Onun ilin sonunadək satışa çıxarılması gözlənilir.