Cəlilabad Rayon Mərkəzi Xəstəxanası bölgədə yeni növ koronavirus infeksiyasına yoluxanların sayının artması ilə əlaqədar olaraq karantin rejiminə uyğun fəaliyyət göstərəcək.

Müvafiq tapşırığa əsasən, xəstəxana yenidən COVID-19-a yoluxan şəxsləri qəbul edəcək.

Artıq xəstəxanada uyğunlaşma prosesi başa çatmaq üzrədir. Xəstəxanada fəaliyyət göstərən müvafiq şöbələr ətrafdakı tibb ocaqlarına köçürülüb.

Qeyd edək ki, bundan öncə bir neçə dəfə də bu xəstəxana koronaviruslu xəstələrə xidmət göstərib.