Rusiyanın koronavirusa qarşı "Sputnik V" vaksinini əldə etmək imkanı ilə 27 ölkə maraqlanıb. Bu haqda Rusiya baş nazirinin müavini Tatyana Qolikova bildirib. O, qeyd edib ki, xüsusilə, Belarus, Azərbaycan, Braziliya, Venesuela və Qazaxıstanın vaksini alması planlaşdırılır.

Bu barədə Aztibb.az remedium.ru saytına istinadla xəbər verir.

T.Qolikova əlavə edib ki, Rusiyada ilk növbədə, tibbi və sosial işçilər, pedaqoqlar və təşkilati kollektivlərdə işləyən digər əməkdaşlar peyvənd olunacaq.

O, həmçinin "Vektor" mərkəzi tərəfindən hazırlanan digər vaksin haqqında məlumat verib. "Düşünürük ki, sentyabrın sonu və ya oktyabrın əvvəli bu vaksin də qeydiyyata alınacaq. Bu, "EpiVakKorona" adlandırılan peptid antigenlər əsasında hazırlanmış vaksindir".

Qeyd edək ki, kliniki tədqiqatların nəticələrinə görə, birinci və ikinci mərhələlərdə könüllülərdə ağırlaşmalar aşkar edilməyib.