Avropa İttifaqının 27 ölkəsinin 446 milyon sakininin 350 milyondan çoxu COVID-sertifikatlar alıb.

Aztibb.az xəbər verir ki, bu məlumat cümə günü Avropa Komissiyası tərəfindən yayılıb.

“Artıq 350 milyondan çox Avropa COVID-sertifikatı verilib. Bu sənəd onun sübutudur ki, insan peyvənd olunub, koronavirus xəstəliyindən sağalıb, yaxud testi neqativ çıxıb”, - deyə məlumatda bildirilir.

Avropa İttifaqı, həmçinin öz COVID-sertifikatlarının ekvivalentinə bərabər olan daha doqquz dövlətin verdiyi sənədləri tanıyır. Bu siyahıya Aİ üzvü olmayan Türkiyə, Ukrayna, İsveçrə, Norveç, İslandiya, Şimali Makedoniya, San-Marino, Vatikan və Lixtenşteyn daxildir. Bu dövlətlərin sənədləri bir şərtlə keçərli sayıla bilər ki, həmin COVID-pasportların sahibləri yalnız Aİ-də tanınmış Pfizer, Moderna, Johnson & Johnson və AstraZeneca vaksinləri ilə peyvəndlənmiş olsunlar.