Rusiyanın "Vektor" dövlət virusologiya və biotexnologiya araşdırma mərkəzinin mütəxəssisləri koronavirusun “Delta” ştamının suda sağqalma müddətini araşdırıblar.

Aztibb.az TASS agentliyinə istinadən xəbər verir ki, araşdırma nəticəsində məlum olub ki, digər ştamlar kimi “Delta” suda 72 saata qədər yaşaya bilir.

Vurğulanıb ki, virusun iki gündən çox suda yaşaya bilməsi çayda və ya dənizdə çimən insanın yoluxmasına səbəb ola biləcəyi anlamına gəlmir.  Mərkəzdən bildirildiyinə görə, bununla bağlı hələlik heç bir dəlil yoxdur.

Xatırladaq ki, keçən il mərkəzin mütəxəssisləri içməli və dəniz suyunda “SARS-CoV-2” virusunun canlılığını öyrənmişdilər. Daha sonra 1, 3, 24, 48 və 72 saat ərzində müsbət 4 dərəcə temperaturda saxlanılan içməli su nümunələrində koronavirusun ömrü ilə bağlı nəticələr əldə edilmişdi.