Milli Məclisin Səhiyyə komitəsinin sədr müavini, Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin rəisi, tibb elmləri doktoru Rəşad Mahmudov ölkəmizdə fəaliyyət göstərən və mənzillərdə xəstələrə sistem köçürən bütün tibb bacıları və səhiyyə işçilərinə müraciət edib.

Aztibb.az-ın xəbərinə görə, həkim koronavirus xəstəliyinin müalicəsi zamanı deksametazon kimi immunsupresif dərmanların mənzillərdə kütləvi şəkildə xəstələrə vurulmasını tibbi cinayət adlandırıb.

"Əminəm ki, bunu bilməyərək edirsiniz. Lakin nəzərə almağınızı xahiş edirəm", - deyə R.Mahmudov bildirib.