Abşeron rayonunda COVID-19 virusunun yayılmasının qarşısının alınması məqsədi ilə bu həftə də genişmiqyaslı təbliğat, maarifləndirmə işləri həyata keçirilib. Rayon ərazisində fəaliyyət göstərən məktəb və bağçalarda valideynlərlə görüşlər düzənlənib.
Koronavirus infeksiyasına qarşı qabaqlayıcı tədbirlərin görülməsi ilə bağlı Rayon İcra Hakimiyyətinin başçısının sərəncamına əsasən yaradılan komissiya tərəfindən mütəmadi olaraq maarifləndirmə, təbliğat işləri aparılır. Görüşlər zamanı komissiyanın üzvləri tərəfindən sakinlərlə maarifləndirici söhbətlər aparılır, vaksinasiya və xəstəliklə bağlı sakinləri maraqlandıran məsələlər barədə danışılır, onları maraqlandıran suallar cavablandırılır.
Yerlərdə yoluxma sayının artmasının qarşısını almaq məqsədi ilə keçirilən görüşlər zamanı iştirak edən əhalinin sayından asılı olmayaraq ciddi şəkildə karantin qaydalarına riayət olunur, sosial məsafənin gözlənilməsinə və tibbi maskadan istifadə edilməsinə ciddi nəzarət edilir.
Məlumat üçün bildirək ki, belə maarifləndirici görüşlərin keçirilməsi öz müsbət nəticəsini artıq göstərməkdədir.
