İndoneziya yaxın zamanda COVID-19-a qarşı öz istehsalı olan “Merah Putih” vaksininin insanlar üzərində sınaqlarına başlayacaq.

Aztibb.az xəbər verir ki, bu barədə İndoneziyanın Ərzaq və Dərmanlara Nəzarət üzrə Agentliyi (BPOM) məlumat yayıb. Bildirilir ki, Eyrlanqa Universiteti (Unair) və “PT Biotic Pharmaceutical Indonesia” şirkəti tərəfindən birlikdə hazırlanmış vaksin BPOM tərəfindən bəyənilib və onun kliniki sınaqlarına icazə verilib.

Avqustun 19-da mətbuat konfransında çıxış edən BPOM-un rəhbəri Penni Lukito deyib ki, “Merah Putih” vaksininin hazırlanmasında iştirak edən altı milli institut və universitet arasında "Unair" daha böyük uğur qazanıb. Vaksinin siçanlar üzərində sınaqları artıq başa çatıb və hazırda meymunlar üzərində yoxlamalar keçirilir. BPOM rəhbəri qeyd edib ki, vaksinin beynəlxalq standartlar səviyyəsində hazırlanması üçün lazım olan bütün addımlar atılacaq.