Pakistanın koronavirusun “delta” ştamına yoluxmuş 106 yaşlı sakini sağalıb.

Aztibb.az bu barədə "RİA Novosti"yə istinadən xəbər verir.

Məlumata görə, 106 yaşlı Hasin Bibi Karaçi şəhərinin xəstəxanalarından birində müalicə keçib və sağaldıqdan sonra koronavirus pasiyentləri üçün bölmədən evə buraxılıb.

Bildirilir ki, xəstəxananın heyəti və ailəsi bu münasibətlə tort kəsərək, uzunömürlü qadının sağalmasını bayram edib.

Qeyd edək ki, koronavirusun B.1.617 variantı ilk dəfə 2020-ci ilin oktyabrında Hindistanda aşkarlanıb, daha sonra onun üç yarımnövü qeydə alınıb.