Tanınmış həkim-reanimatoloq Şahin Məmmədov sosial şəbəkədə yoluxmanın artmasına görə yenidən bağlanmalar, ciddi karantin rejiminin tətbiq edilməsi məsələsinə münasibət bildirib.

"Hazırda zənglərin sayı artsa da, ağır xəstələrin sayında artım müşahidə edilmir. Ciddi karantin rejimi qərarı yoluxma sayına görə deyil, xəstəxanalarda yer probleminə görə verilir. Hələ ki, yer problemi yoxdur, qapanmalara gediləcəyinə inanmıram", - deyə Ş.Məmmədov bildirib. 

Həkim əlavə edib ki, koronavirusun delta ştamının sürətli yoluxdurma qabiliyyəti olsa da, şəxsi müşahidələrinə əsasən xəstəlik yüngül keçir.