Özbəkistanın Almalık şəhərindəki yeni açılmış “Jurabbek Jaboratorijes” müəssisəsində Rusiyanın “Sputnik V" vaksininin birinci partiyası istehsal olunub.

Aztibb.az xəbər verir ki, bu haqda mətbuata açıqlamasında Özbəkistan Sanitar-Epidemioloji Stansiyasının rəhbəri Baxadir Yusupaliyev məlumat verib.

O, deyib ki, bu vaksinlərin keyfiyyəti yoxlanmaq üçün Rusiyaya göndərilib.

Rusiyadan müsbət cavab gəldikdən sonra peyvəndin kütləvi istehsalına başlanacaq. Onun sözlərinə görə, birinci mərhələdə vaksin Rusiya xammalı ilə istehsal ediləcək. Sonrakı mərhələdə vaksin istehsalında yerli komponentlərdən istifadə olunacaq.