Aztibb.az xəbər verir ki, Mərkəzi Gömrük Hospitalının mama-ginekoloqu Nərmin Muradova bu mövzuda AZTV-nin "Səhər" proqramına müsahibə verib. Həkim bildirib ki, vaksinasiya koronovirusun bütün ştammlarından qorunmaq üçün yeganə vasitədir. Peyvənd olunan şəxslər infeksion xəstəlikləri daha yüngül keçirir və ya özünü qoruduğu təqdirdə ümumiyyətlə heç bir virusa yoluxmur.

 

Həkim burun axması, öskürək, dad və qoxu hissinin itirilməsinin yeni ştammların əlamətlərindən olduğunu söyləyib. Risk qrupuna daxil olanların vaksinasiyanın hər iki dozasından sonra 3-cü dozanı da vurdurmasının məqsədəuyğun olduğunu diqqətə çatdırıb:

 

"Xüsusilə tibb işçiləri, yaşı 60-dan yuxarı və yanaşı xəstəlikləri olanlar son dərəcə ehtiyatlı davranmalıdırlar".