İyulun 9-dək dünyada koronavirusa qarşı vurulan peyvənd dozalarının sayı 3 milyard 350 milyonu ötüb.

Aztibb.az vaksinasiyanın statistikasını aparan "Ourworldindata.org" saytına istinadla xəbər verir ki, hazırda Çin 1 milyard 350 milyon doza ilə dünya ölkələri arasında liderdir. Bu göstərici üzrə ikinci və üçüncü yerləri tutan Hindistanda 368 milyon 991 min, ABŞ-da 332 milyon 350 min doza peyvənd vurulub.

Vurulan vaksin dozalarının sayına görə ilk onluqda, həmçinin Braziliya (111 milyon 480 min), Böyük Britaniya (79 milyon 800 min), Almaniya (77 milyon 730 min), Fransa (57 milyon 820 min), Türkiyə (56 milyon 740 min), İtaliya (55 milyon 300 min) və Yaponiya (54 milyon 850 min) yer alır.

Əhalinin hər 100 nəfərinə düşən peyvənd dozalarının miqdarına görə isə birinci yerdə Birləşmiş Ərəb Əmirlikləri gedir (159,71 doza). Bu göstərici üzrə ilk beşlikdə, həmçinin Malta (157,82), Seyşel Adaları (141,98), İslandiya (132,18) və San-Marino (131,59) qərarlaşıb.

Ümumilikdə dünyanın 18 ölkəsində əhali sayından çox vaksin dozası vurulub.