Nefroloq M.Məmmədov bildirib ki, istər COVID-19 pandemiyası dövründə, istərsə də ondan əvvəlki dövrlərdə Reanimasiya şöbəsindən daxil olan xəstələrdə rast gəldiyimiz ciddi problemlərdən biri də sepsis idi. Sepsisli xəstələrdə kəskin böyrək zədələnmələri və böyrək çatışmazlığı müşahidə olunurdu:

 

"Biz bu xəstələrin müalicəsində hemodializdən istifadə edirdik. Mərkəzi Gömrük Hospitalının Efferent terapiya şöbəsi ilk dəfə olaraq belə xəstələrin müalicəsində sepsis kolonundan istifadə etməyə başladı. Sepsis kolonuna başqa sözlə, sitokin hemosorbsiyası da deyirlər. Digər dərman preparatlarından istifadə effektsiz olduqda, biz sepsis kolonundan istifadə edirik. Bu üsul həkimlərə vaxt qazandırır və xəstəliyin müalicəsində daha effektiv nəticələr əldə etməyə imkan verir.

 

Bizə müraciət edən digər xəstələrdə də: orqan transplantasiyası olunmuş və ya böyrək çatışmazlığı olan xəstələrdə sitokin kolonundan istifadə etdik. Ən çox istifadə etdiyimiz isə sitosorb oldu. Bu üsulun üstünlüyü ondan ibarətdir ki, digər cihazlara da asanlıqla qoşula bilir. Biz onu hemodializ cihazına, hətta EKMO cihazına da inteqrasiya edə bildik".