Həkim-reanimatoloq Şahin Məmmədov koronavirusun delta ştammının təhlükəli olub-olmaması məsələsinə aydınlıq gətirib.

 

Aztibb.az xəbər verir ki, həkim narahatlığa heç bir əsas olmadığını vurğulayıb.

 

"Doğrudur, delta ştammı əvvəlki variantlardan daha sürətli yayılması ilə seçilir. Lakin xoşbəxtlikdən bu mutasiya da əvvəlki mutasiyalar kimi yalnız yoluxma sürətində fərq yarada bilib. Bu variant xəstəxanaya qəbul və ölüm faizini artırmır", - deyə Ş.Məmmədov qeyd edib. 

 

Onun sözlərinə görə, yoluxma zamanı öskürəkdən daha çox yüngül soyuqdəymə, başağrısı, burun axması, qızdırma kimi əlamətlər görünür.

 

Həkim əlavə edib ki, vaksinlər delta variantına qarşı yüksək effektivdir. 2 dəfə vaksin vurdurmuş insanlar bu variantdan da qoruna biləcək.