“BioNTech” dərman şirkətinin İdarə Heyətinin rəhbəri, professor Uğur Şahin istehsal etdikləri vaksinin COVID-19-un yeni növlərinə qarşı da təsirli olduğunu bildirib.

Şirkətin illik toplantısında bu barədə danışan professor hazırladıqları vaksinin tərkibinin COVID-19-un ortaya çıxan yeni variantlarına qarşı dəyişdirilməsinə ehtiyac olmadığını deyib.

Qeyd edilib ki, peyvəndin virusun hər növünə qarşı təsirinin yoxlanılması istiqamətində analizlər mütəmadi olaraq aparılır.

ABŞ-dakı ortağı “Pfizer” ilə bu il üç milyard doza peyvənd istehsal etməyi planlaşdırdıqlarını ifadə edən U.Şahin bu rəqəmin gələn il daha da artacağını deyib.