Bədəndə səbəbsiz göyərmə və bəzən qanama K vitamini çatışmazlığının əlamətidir.
Aztibb.az xəbər verir ki, bu vitamin qanın sovrulmasını, açıq yaraların üzərində qanla müdafiə qatının yaranmasını təmin edir. Dəri altına kapilyarlardan qanın sızıb yayılmasının qarşısını alır, eləcə də sümük və daxili orqanların toxumasını təşkil edir.
Mütəxəssislər bildirirlər ki, K vitamininin çatışmazlığından qanda laxtalanma müddəti uzanır. Bədəndə kəsik və ya yara olmadığı halda səbəbsiz qanama, göyərmələr, dərialtına və əzələ daxilinə qan sızmalar baş verir.
Beyin, mədə-bağırsaq qanaxmaları, damaq və burunda qanaxma da K vitamini azlığının əlamətləridir. Bundan başqa, ağız, ağız ətrafı və dırnaqlarda qabıqlanma, quruma, soyulma müşahidə olunur.
K vitamini ispanaq, qarğıdalı, pomidor, noxud, yaşıl lobya, kahı, kələm, baş soğan şalğam kimi tərəvəzlərdə və yağlı toxumlarda, avokado, manqo, kivi, kök, armud, üzüm, almada, süd, süd məhsulları, ət və yumurtada olur. Xüsusilə yaşıl çayda sutkalıq norma K vitamini var.
