“Gürcüstanda koronavirusun Hindistan ştammına (delta) yoluxanların sayı 18 nəfərə çatıb. Bu da ölkədə delta ştammının yayılması təhlükəsinin artdığını sübut edir”.

Bu barədə Gürcüstanın Xəstəliklərə Nəzarət və İctimai Sağlamlıq Milli Mərkəzinin rəhbərinin müavini Paata İmnadze məlumat verib.

Onun sözlərinə görə, delta ştammı artıq dünyanın əksər ölkələrində sürətlə yayılmağa başlayıb. Virusun təhlükəli növü əsasən digər ölkələrdən qayıdan Gürcüstan vətəndaşlarında aşkarlanıb.