1796-ci ilin 14 mayında ingilis cərrah Edvard Cenner ilk çiçək peyvəndini həyata keçirib.
Aztibb.az tibb tarixindən maraqlı faktları təqdim edir.
Böyük epidemiyaya çevrilən və ölümlə nəticələnən çiçək xəstəliyi əsrlər boyu insan həyatını təhdid edirdi. Həkim Edvard Cenner doğulduğu bölgədə insanlara inəklərdən yoluxmuş çiçək xəstəliyinin qarşısını almaq üçün son dərəcə təhlükəli bir təcrübəyə başlayır.
1796-cı ildə inəkdən çiçək xəstəliyinə yoluxmuş bir xəstənin yarasından götürdüyü nümunə əsasında hazırladığı peyvəndi 8 yaşlı bir uşağa vurur. İki ay sonra həmin uşağa təkrar çiçək peyvəndi etdikdən sonra xəstəliyin keçib getdiyini müşahidə edən Cenner, bu üsulla hazırladığı peyvəndin xəstəliyə qarşı olduğunu sübut edir.
Qısa müddətdə İngiltərədə və daha sonra bütün Avropada qəbul edilərək tətbiq olunan bu peyvənd metodu çiçək xəstəliyindən ölüm sayını əhəmiyyətli dərəcədə azaldır.
İnkişaf etdirdiyi çiçək peyvəndi ilə tibb tarixində əhəmiyyətli bir yer qazanan Edvard Cenner ABŞ-ın Berkeley şəhərində anadan olub. On üç yaşından iyirmi bir yaşına qədər bir cərrah yanında şagirdliyə başlayır və cərrahiyyə sahəsində təcrübə qazanır. Sonralar dövrün məşhur anatomiya alimi Con Hanterin tələbəsi və asissenti olur.
1773-cü ildə Berkeleyə qayıdır və ömrünün sonuna qədər bu şəhərdə həkim işləyir. Tədqiqatlarını davam etdirən Cenner 1813-cü ildə Oksford Universitetinin fəxri doktoru adına layiq görülür və Kral Cəmiyyətinin üzvü seçilir.