Günəşin partlaması nəticəsində yaranan plazma buludu Yerdə maqnit qasırğası yaradacaq.

Aztibb.az RİA Novosti” agentliyinə istinadən yazır ki, insanlar onun təsirini martın 23-dən etbarən hiss edəcəklər. Məlumatı Rusiya Elmlər Akademiyasının Kosmik Tədqiqatlar İnstitutundan alim Sergey Boqaçov verib.

Alim bildirib ki, məşəlin gücü M1,2 qiymətləndirilir. Səviyyə orta hesab olunur, lakin emissiyanın kütləsi çox böyükdür. Belə parametrlər bu il ilk dəfə qeydə alınır. Plazma buludunun atılması artıq başlayıb. O, martın 23-də gecə Yerə çatacaq.

Həmçinin qeyd edib ki, məşəldən əvvəl Günəşin görünən tərəfində böyük qabarıqlıq var idi. O, indi görünmür. Çox güman ki, o, tarazlığını itirib, buna görə də belə güclü plazma emissiyası baş verib. Maqnit qasırğasının gücü G3 səviyyəsinə çata bilər. Sonuncu dəfə belə hadisələr yanvarın əvvəlində qeydə alınıb.