Genetik səviyyəyədə ürək-damar sisteminin sağlamlıq vəziyyətinin qəhvə istehlakına təsir etdiyi məlum olub.

Aztibb.az tibbi mənbələrə istinadən bildirir ki, Avstraliya alimləri insanların hansı hallarda kofeinli içkilərə meyilləndiyini təyin edib. Cənubi Avstraliya Sağlamlıq və Tibbi Araşdırmalar İnstitutunun mütəxəssisləri 39 ilə 73 yaş arasındakı 390,435 iştirakçının məlumatlarını təhlil edib.

Tədqiqatlar zamanı məlum olub ki, irsi xəstəlikləri olan insanlar şüuraltı olaraq qəhvədən və ya kofeinli içkilərdən çəkinir. Genetikasında problem olmayan insanlar isə, qəhvədən lazımınca istifadə etməyə meyillidir. Alimlər qeyd edirlər ki, əksər hallarda bədənin özü kofeinin qəbuletmə həddini təyin edir və içdiyiniz qəhvə miqdarına görə dolayı yolla ürək və qan damarlarının sağlamlığını qiymətləndirmək mümkündür.